Nga lëndimet e marra në aksidente trafiku, 58 persona kanë kërkuar ndihmë mjekësore në Klinikën Emergjente të Qendrës Klinike Universitare të Kosovës gjatë tri ditëve të fundit, njofton Shërbimi Spitalor Klinik dhe Universitar i Kosovës.

Përveç tyre, sipas SHSKUK-së tretman mjekësor aty morën edhe 719 pacientë tjerë, për shkak të problemeve të ndryshme shëndetësore.

Tutje sipas SHSKUK, në Dhomën e Reanimimit (Dhoma e Kujdesit të Avancuar Emergjent), u trajtuan 175 pacientë, ndërsa kishte 129 raste kirurgjike dhe 213 raste internistike.