Depresioni është një çrregullim mendor që prek 264 milionë njerëz në mbarë botën. Kjo sëmundje ndryshon jo vetëm psikikën, por edhe trupin. Ndikon në shëndetin fizik dhe mund të shkaktojë sëmundje të tjera serioze.
“Bright Side” tregon se si mund të ndikojë fizikisht depresioni.
- Rënia e funksionit të veshkave
Depresioni prek si njerëzit që kanë sëmundje kronike të veshkave ashtu edhe ata që kanë veshka të shëndetshme. Gjithashtu përshpejton zhvillimin e sëmundjeve. Një nga arsyet e mundshme mund të jetë rritja e proteinave inflamatore që shkaktojnë proceset autoimune.
- Problemet e traktit gastrointestinal
Truri ynë është i lidhur ngushtë me traktin gastrointestinal. Është i ndjeshëm ndaj emocioneve dhe mund t’ju bëjë të ndjeni siklet.
- Diabeti
Depresioni rrit nivelin e hormoneve të stresit dhe ato, nga ana tjetër, mund të ndikojnë në nivelet e sheqerit në gjak dhe tek rezistenca ndaj insulinës. Kjo lidhje funksionon në të dy mënyrat, dhe njerëzit me diabet kanë më shumë gjasa të vuajnë nga depresioni.
- Rreziku i një sulmi në zemër
Njerëzit që vuajnë nga depresioni mund të përjetojnë presion të lartë të gjakut dhe një rritje të rrahjeve të zemrës. E gjithë kjo mund të çojë në sëmundje të zemrës. Hormonet e stresit që përmendëm më herët gjithashtu mund të kenë një efekt negativ në zemër.
- Probleme me enët e gjakut
Kjo është e lidhur ngushtë me të qenit i rrezikshëm për zemrën. Presioni i lartë i gjakut zvogëlon rrjedhjen e gjakut tek enët e gjakut. Ato tkurren dhe bëhen të brishta. Kjo dëmton enët dhe ato nuk mund të sjellin ushqyes dhe oksigjen të mjaftueshëm në qeliza dhe inde.
- Dhimbje shpine
Sigurisht, dhimbja e shpinës nuk lidhet gjithmonë me depresionin. Qëndrimi i keq dhe muskujt e dobët janë arsyet më të zakonshme për këtë. Por depresioni mund të shkaktojë dhimbje kronike. Mund të ndodhë për shkak të inflamacionit si përgjigje e trupit ndaj depresionit.
- Probleme me kujtesën dhe dhimbje koke
Depresioni mund të shkaktojë humbje dhe konfuzion afatshkurtër të kujtesës. Kjo gjendje i bën njerëzit të harrojnë më shpesh dhe pengon aftësinë e tyre për t’u përqendruar. Mund të shkaktojë gjithashtu dhimbje koke pulsuese kronike, e cila quhet “dhimbje koke e tensionit”. Ajo vjen në formën e pulsimeve të buta kryesisht rreth vetullave.
- Artriti
Të dyja problemet janë të lidhura ngushtë me njëra-tjetrën. Depresioni mund të shkaktojë artrit dhe anasjelltas. Faktori kryesor është inflamacioni që ndodh për shkak të këtyre sëmundjeve. Depresioni gjithashtu mund të ndikojë në rrjedhëne gjakut dhe të përkeqësojë rezultatin e artritit.
