Për t’iu ardhur në ndihmë atyre që kanë nevojë, instruktori i ushtimeve fizike i shumë personazheve të njohur, James Duigan, ka zbuluar disa nga shkaktarët e fryrjes së barkut që nuk lidhen me peshën e tepërt.

Shkaktarët

• Dëshira e vazhdueshme për të ngrënë ëmbëlsira
• Teprimi me alkoolin
• Përfshirja e shumë ushqimeve të pasura në sheqerna dhe karbohidrate të përpunuara (ëmbëlsira, biskota dhe bukë e bardhë) ose karbohidrate me niseshte (makarona ose oriz) në dietë.

Këshillat:

Konsumoni alkool në sasi të moderuar.

Ndiqni një dietë më të shëndetshme. Shmangni ushqimet e përpunuara dhe ato me shumë yndyra e sheqer. Konsumoni vezë, mish pa dhjamë, perime dhe fruta, si dhe yndyra të shëndetshme, si avokado, fruta të thata dhe peshk.

Ushtroni.

Fryrja e barkut si pasojë e stresit

Shkaktarët

• Stresi kronik
• Nuk i konsumoni të gjitha vaktet
• Konsumoni shumë kafe
• Vuani nga sindroma e zorrës së irrituar
• Ushqeheni jo-shëndetshëm

Këshillat:

Flini më herët: Mungesa e gjumit ju çon në gjendje stresi dhe kështu ndërpritet prodhimi i leptinës, hormoni që rregullon oreksin dhe metabolizmin.

Qetësohuni para se të flini: Teknikat e frymëmarrjes, një dush i ngrohtë ose meditimi mund t’ju vijnë në ndihmë në këtë rast. Mos konsumoni kafe në mbrëmje.

Mos e teproni me ushtrimet: Bëni yoga, një shëtitje të lehtë ose edhe ushtrime në palestër, por pa e tepruar.

Përfshini magnez në ushqim: Magnezi është mineral relaksues që gjendet tek perimet e gjelbra dhe frutat e thata./NetDoktori