Shpesh herë na ndodh që të shohim njerëz përreth duke ngrënë dhe të fillojmë të ndihemi të uritur. Kjo na ngjanë sepse jo gjithmonë kanë ndikim faktorët e brendshëm në procesin e urisë sonë. Shumë herë uria fillon nga sinjalet e jashtme, ashtu që njerëzit  kur pyeten se a janë të uritur përgjigjen çfarë u thotë stomaku.

Kur dikush është i uritur ndien një dhimbje të vogël në stomak, kësisoj ne e shfaqim dëshirën për të ngrënë. Ishin studiuesit Canon dhe Washburn të cilën gjetën lidhjen e fortë në mes të dhimbjeve të stomakut dhe ndijimeve të urisë.

Patjetër se rol të madh në dëshirën tonë për të ngrënë luan edhe truri. Qendra e trurit, ose më saktë hipotalamusi, kontollon sjelljet tona, përfshirë këtu të ngrënit dhe seksin. Hipotalamusi anësor aktivizohet kur fillojmë të hamë, ndërsa ai ventromedial mundëson që të ndalojmë së ngrëni./Familja Jone