Spitali i Përgjithshëm në Pejë ka njoftuar se katër nga pesë pacientët e pranuar pas aksidentit në fshatin Dollc të Klinës kanë marrë trajtimin e nevojshëm dhe janë dërguar në shtëpi në gjendje të qëndrueshme shëndetësore.

Ndërkohë, një pacient tjetër vazhdon të trajtohet në repartin e Kirurgjisë dhe mbetet nën kujdesin e ekipeve mjekësore. Sipas spitalit, gjendja e tij nuk paraqet rrezik për jetë.

Kujtojmë se aksidenti ndodhi sot ndërmjet një veture dhe një autobusi, ku shoferi i veturës humbi jetën.