Organizata “Voice of Roma, Ashkali and Egyptians” ka shpallur thirrjen për aplikim për programin e ndërnshipit, të dedikuar për maturantët përfitues të bursave nga komunat Graçanicë, Vuçitrn, Obiliq, Kamenicë dhe Gjilan.

Kjo mundësi vjen në kuadër të projektit “Rritja e mbështetjes në edukim dhe mundësitë për nxënësit e shkollave të mesme romë në Kosovë”, i cili mbështetet nga Roma Education Fund (REF).

Qëllimi i ndërnshipit është që nxënësit e përzgjedhur të fitojnë përvojë praktike, të përmirësojnë aftësitë profesionale dhe të nxisin përfshirjen aktive në komunitet. Të gjithë maturantët e interesuar që janë pjesë e programit të bursave të organizatës, inkurajohen të aplikojnë dhe të përfitojnë nga kjo mundësi zhvillimi personal dhe profesional.