Një maskë flokësh me majonezë konsiderohet si një trajtim alternativ i flokëve që mund t’i bëjë flokët tuaja të buta dhe të lëmuara. Ndërsa përdoret kryesisht për njerëzit me flokë me onde dhe kaçurrela, kjo maskë flokësh mund të ofrojë përfitime të mundshme edhe për të tjerët.

Amino acidet tek majoneza ushqejnë, mbrojnë dhe zbusin edhe skalpin edhe majat. Me përdorimin e shpeshtë, majoneza ka tendencën të zbusë dhe të drejtojë edhe flokun me onde ose kaçurrela. Këtë të fundit e ndihmon më mirë duke i dhënë paraqitjen e një floku të rregullt dhe të mirëmbajtur. Majoneza është e rekomandueshme edhe për flokun e lyer sepse jo vetëm e mbron atë, por pengon shkarkimin e ngjyrës së përdorur. Majoneza gjithashtu këshillohet edhe kundër zbokthit sepse aciditeti i uthullës rual nivelin e pehashit në skalpin e kokës dhe prodhimin e yndyrës që nxit shfaqjen e zbokthit.

Si të përdorni një maskë flokësh me majonezë

Ndërsa disa nga përfitimet e mësipërme janë më të njohura se të tjerat, nuk ka gjasa që një maskë me majonezë të bëjë ndonjë dëm. Përjashtimi kryesor do të ishte nëse keni një alergji ndaj ndonjë prej përbërësve të majonezës, siç janë të verdhat e vezëve.

Ja se si të përdorni një maskë flokësh me majonezë:

Lagni flokët.

Aplikoni një filxhan majonezë, duke filluar nga skalpi juaj dhe duke e përpunuar deri në skajet tuaja. Përdorni më shumë majonezë sipas nevojës, duke u siguruar që flokët tuaj të jenë të mbuluar në mënyrë të barabartë.

Masazhoni produktin ose përdorni një krehër me dhëmbë të gjerë për të siguruar aplikim të barabartë.

Mbulojeni me një qese dhe prisni 20 minuta.

Shpëlajeni tërësisht dhe lajeni me shampo si zakonisht.

Për rezultate më të mira, përdorni maskën e majonezës një herë në javë për t’i mbajtur flokët tuaj të butë dhe të lëmuar./ Healthline