Kosova shpalli Pavarësinë e saj më 17 shkurt të vitit 2008. Nuk shkoi shumë, e më 15 qershor të po atij viti hyri në fuqi kushtetuta e saj e cila e përcakton Kosovën si shtet të pavarur, sovran e demokratik.

Kushtetuta ka bazamentin në dokumentin e ish-kryenegociatorit të Kombeve të Bashkuara, Martti Ahtisaari.

Kushtetuta e Kosovës kundërshtohet nga përfaqësuesit e serbëve të cilët nuk janë pajtuar me shpalljen e Pavarësisë së vendit tonë, e cila deri tani është njohur nga më shumë se 115 vende të botës.

E institucionet e Kosovës, kanë arritur të përgatisin dhe miratojnë 40 ligje që dalin si propozim nga Pakoja e Ahtisaarit.