Kur ndodhin vonesa të ciklit menstrual, menjëherë fillon paniku për një shtatzani të mundshme.

Por, përpiquni të mos shqetësoheni shumë sepse kjo është normale nëse ndodh herë pas here.

Arsyet më të zakonshme të vonesës së ciklit janë shtatzënia, stresi, humbja e papritur e peshës, stërvitjet ekstreme, marrja e pilulave kontraceptive etj.

Nëse jeni seksualisht aktiv dhe periodat tuaja janë vonë, ekziston mundësia që të jeni shtatzënë, kështu që është mirë të bëni një test.

Nëse keni bërë një test dhe rezulton negativ ose jeni shumë të sigurt që nuk është shtatzëni sepse nuk keni qenë seksualisht aktive, atëherë mund të ketë një numër arsyesh të tjera pse menstruacionet janë vonuar.

1.Ushtrimet

Ushtrimet e tepërta mund të bëjnë që trupi juaj të luftojë për të prodhuar estrogjen të mjaftueshëm për të përfunduar ciklin e tij menstrual.

2.Ndryshimi në peshë

Një humbje dramatike e peshës gjithashtu mund të ndikojë në ciklin tuaj, pasi trupi mund të mbetet i paaftë për të prodhuar estrogjen, mbipesha gjithashtu mund të parandalojë ciklin nëse ka një rritje të estrogjenit.

3.Stresi ose sëmundja

Trupi juaj mund të ndalojë ciklin nëse kaloni një kohë stresuese në punë ose në jetën tuaj personale.

Një zonë e trurit tuaj ku rregullohen hormonet për ciklin mund të ndryshohet, duke çuar në menstruacione të vonuara.

Por, edhe sëmundje të ndryshme siç është edhe ftohja mund të ndikojë që cikli juaj të vonohet.

4.Sindroma e vezoreve policistike

Sindroma e vezoreve policistike ndodh kur qeset në të cilat ndodhen vezoret nuk janë në gjendje të lëshojnë një vezë, që do të thotë se ovulacioni nuk ndodh.

Në këto raste të mbetesh shtatzënë natyrshëm është e pamundur, pasi asnjë vezë nuk lëshohet në tubin fallopian gati për fekondim, e kjo gjendje mund të bëjë që të ketë edhe vonesa në cikël.