Ndërkohë që, procesi i vaksinimit po vazhdon në tërë qytetet e Kosovës, vetëm në 24 orët e fundit janë dhënë 9,565 vaksina anti covid.

Sipas raportit të publikuar nga Ministria e Shëndetësisë (MSH), që nga fillimi i vaksinimit e deri më sot janë dhënë 196,829 doza të vaksinës, kurse mbi 47 mijë qytetarë janë të vaksinuar plotësisht.

Rikujtojmë se, përgjatë kësaj periudhe janë raportuar 17 raste pozitive me Covid, dy raste të vdekjes dhe tetë qytetarë të shëruar.

Aktualisht, në vendin tonë janë 172 raste aktive.