ytetarët nga Kosova kanë filluar të shprehin një shqetësim aspak të zakonshëm pas marrjes së vaksinës për Covid-19. Ata po thonë se në trupin e tyre po krijohet magnet, saqë edhe parat po u ngjiten në trup. Për këtë shqetësim ka folur për FaktePlus Ministria e Shëndetësisë.
Situata pandemike në Kosovë ka arritur të sjellë shqetësime tek kosovarët se a do të arrijnë të vaksionohen në kohë e me vaksinat e duhura anti-Covid19, ndërkohë, në nivel vendi, siç njofton edhe Ministria e Shëndetësisë, kanë arritur 57 mijë 615 qytetarë të Kosovës të marrin vaksinën AstraZeneca.
Por, pas injektimit, në rrjetet sociale dhe plaftorma të ndryshme po qarkullojnë video e fotografi të realizuara nga vetë qytetarët, duke dokumentuar një shqetësim të tyre, atë të pas marrjes së vaksinës.
Përmes këtyre dëshmive që qarkullojnë gjithandej, ata tentojnë të tregojnë se pas vaksinimit në krahun e tyre po krijohet një lloj magnetizmi e që po arrin të tërheq copëza hekuri. Ata besojnë se një gjë e tillë po ndodh ngase si duket në trupin e tyre është futur një lëngë apo mikro-cip që shkakton një tërheqje të tillë.
Një nga qytetarët e shqetësuar është edhe B.R, e cila pohon se pas marrjes së vaksinës ka provuar “trendi” e magnetizmit, të cilës i rezultoi ashtu si të tjerëve.
“Pas marrjes së vaksinës e provova edhe unë se a po ngjiten monedhat në krahun ku u vaksionova dhe doli se po, monedha u ngjit në krahun e vaksionuar, ndërsa në krahun tjetër ku pritet me marr vaksinën e dytë nuk po kapet”, ka treguar ajo.
Në lidhje me këtë dukuri, FaktePlus ka arritur të kontaktoj me Ministrinë e Shëndetësisë në mënyrë që të kemi një sqarim se pse është duke ndodhur kjo dhe se sa e dëmshme mund të jetë për shëndetin e çdo të vaksinuari. Mirëpo, një shqetësim të tillë, ata e konsiderojnë si konspiracion të radhës.
“Përmes demanteve nga shkencëtar botëror, dëshmojnë se bëhet fjalë për konspiracione të radhës.”, thuhet në përgjigjën e MSH për FaktePlus.
Edhe gjatë ditës së djeshme një qytetar ka shprehur shqetësimin e tij, pasi ka marr vaksinën.
Ai në grupin “Network Prishtina” ka thënë se paratë e hekurit po i kapen në vendin ku është vaksinuar, sikurse aty të kishte ndonjë magnet.
“Përshëndetje grupi. A ka mundësi dikush me ma shpjeguar për një familjar si është vaksinuar per Covid paret e hekurit po i kapen ne vendin ku është vaksinuar si me patën magnet”, ka shkruar ai.
Por, cila është e vërteta në këtë mes, dhe se a janë dëshmuar video e deklarata të tilla nga aspekti shkencor, nuk ka ndonjë përgjigje konkrete.
Mirëpo disa nga webfaqet shkencore si “FullFact”, “The Observers”, “PolitiFact” e shumë media të tjera botërore, mohojnë se vaksinat anti-Covid19 mund të krijojnë magnet në trupin e njeriut e aq më pak pajisje që mund të iu përcjellin.
“Kjo është e pavërtetë. Ekspertët thonë se individët e vaksinuar nuk mund të përjetojnë magnetizëm në vendin e injektimit.”, thuhet në artikullin e Reuters.
Madje video e dëshmi të i ka hedhur poshtë edhe Al Edwards, profesor i asociuar në teknologjinë biomjekësore nga Universiteti i Reading, i cili theksoi se nuk ka asnjë mënyrë që një magnet të ngjitej në krahun e një personi pas injeksionit.Video Player
