Numri i vendeve në “listën e kuqe” të udhëtimit në Angli do të shkurtohet nga 54 në 7, thotë qeveria.

Afrika e Jugut, Brazili dhe Meksika dalin nga lista e kuqe, e cila kërkon që udhëtarët të karantinohen në një hotel të miratuar me koston e tyre për 10 ditë të plota.

Sekretari i Transportit, Grant Shapps tha se ndryshimet fillojnë të hënën dhe “shënojnë hapin tjetër” në hapjen e udhëtimit, përcjell Telegrafi.

Kjo lëvizje e fundit do të shihet si një nxitje për industrinë ajrore dhe familjet e ndara gjatë pandemisë.

Panamaja, Kolumbia, Venezuela, Peruja, Ekuadori, Haiti dhe Republika Dominikane mbeten në “listën e kuqe”.

Rregullat e udhëtimit pandemik në Mbretërinë e Bashkuar janë thjeshtuar kohët e fundit, dhe “këshillat kundër pushimeve” kanë ndryshuar për 32 vende.

Mbërritjeve nga 37 destinacione të tjera do t’u njihen certifikatat e statusit të vaksinimit, që do të thotë se ata mund të shmangin kërkesat më të shtrenjta të testimit pas mbërritjes.

Udhëtarët e vaksinuar nga Brazili, Hong Kongu, India, Pakistani, Afrika e Jugut dhe Turqia do të trajtohen njësoj si kthimi i banorëve të Mbretërisë së Bashkuar të vaksinuar plotësisht për aq kohë sa ata nuk kanë vizituar një vend të listës së kuqe në 10 ditët para mbërritjes në Angli.

Të gjithë mbërritjet do të plotësojnë një formular.

Qeveria e Mbretërisë së Bashkuar vendos “rregullat e udhëtimit Covid” për Anglinë.

Administratat në Skoci, Uells dhe Irlandën e Veriut do të njoftojnë çdo ndryshim në rregullat e tyre në kohën e duhur.