Ekipi Olimpik i Kosovës – veçanërisht ekipi i xhudos, ka shkëlqyer në Lojërat Olimpike “Paris 2024”.
Madje, shteti i Kosovës qëndron shumë më mirë me medalje në raport me numrin e popullsisë (për kokë banori) sesa shumë shtete të mëdha të botës.

Në fakt, Kosova është e gjashta në botë në këtë renditje, duke lënë prapa shtete si Australia, Kroacia, Holanda e Irlanda, të cilat e mbyllin top 10-shen.

Derisa shumë sportistë kosovarë kanë thyer rekorde personale dhe shtetërore në Olimpiadën e Parisit, xhudo ka arritur të sjellë edhe dy medalje për shtetin e Kosovës – një të argjendtë dhe një të bronztë.