Sulmet në zemër janë urgjenca serioze mjekësore që kërkojnë vëmendje të menjëhershme nga një mjek.

Sipas Klinikës Mayo, një sulm në zemër ndodh kur një ose më shumë arterie koronare bllokohen. Bllokimet më së shpeshti shkaktohen nga grumbullimi i yndyrës dhe substancave të tjera të cilat formojnë një pllakë në arterie.

Sidoqoftë, 80 për qind e sulmeve të parakohshme në zemër dhe goditje në tru janë të parandalueshme, me një dietë të shëndetshme dhe aktivitet fizik të rregullt. Me kalimin e kohës, një grumbullim i depozitave yndyrore, formon substanca të quajtura pllaka, të cilat mund të ngushtojnë arteriet, duke shkaktuar shumicën e sulmeve në zemër.

Çdokush që ka sëmundje të zemrës ka një shans më të lartë për të pasur një sulm në zemër, duke e bërë të domosdoshme të shikoni për shenjat e sëmundjes koronare.

Jo të gjithë njerëzit që kanë sulme në zemër kanë të njëjtat simptoma; disa njerëz kanë dhimbje të lehta ndërsa të tjerët kanë dhimbje të forta. Ekzistojnë një numër shenjash paralajmëruese të hershme që duhet të keni kujdes.

Shenjat e hershme

Shqetësim në gjoks: Shumica e sulmeve në zemër përfshijnë siklet në qendër të gjoksit që zgjat më shumë se disa minuta – ose mund të largohet dhe pastaj të kthehet.

Siklet në zonat e tjera të pjesës së sipërme të trupit:  Dhimbja ose shqetësimi në njërin ose të dy krahët, shpinën, qafën, nofullën dhe stomakun mund të jetë një shenjë tjetër e një sulmi në zemër. Për disa njerëz dhimbja ose shtrëngimi mund të jetë i rëndë, ndërsa për të tjerët mund të jetë e pakëndshme.

Gulçim: Megjithëse kjo mund të ndodhë si për burrat ashtu edhe për gratë, është më e zakonshme që gratë të përjetojnë gulçim.

Shenja të tjera: Shenja të tjera të mundshme përfshijnë shpërthimin në një djersë të ftohtë, të përziera ose marramendje.