Kanceri i mushkërive është kanceri më i zakonshëm në të gjithë botën. Sipas Organizatës Botërore të Shëndetësisë, afërsisht 2 milionë raste të reja të kancerit të mushkërive diagnostikohen çdo vit dhe rreth 1.76 milionë vdekje për shkak të kancerit të mushkërive raportohen çdo vit.

Para se të vendosni për trajtimin më të mirë, të përshtatshëm, është shumë e rëndësishme që onkologu të dijë saktësisht llojin e kancerit të mushkërive që ka pacienti.

Kjo për arsye se ka shumë lloje dhe janë shumë delikatë në trajtim prandaj edhe duhet të diagnostikohet saktë në mënyrë që të trajtohet në mënyrën e duhur.

Simptomat

Gjatë fazave shumë të hershme të kancerit të mushkërive, mund të mos ketë shenja ose simptoma. Sidoqoftë, derisa sëmundja përparon, simptomat e kancerit të mushkërive zhvillohen. Disa nga simptomat e kancerit të mushkërive janë:

Kollitja me gjak

Kollë që nuk zhduket për 2 ose 3 javë

Infeksione të vazhdueshme të gjoksit

Vështirësi në frymëmarrje e vazhdueshme

Mungesa e oreksit dhe humbje peshe e pashpjegueshme

Dhimbje gjatë frymëmarrjes ose kollitjes

Kollë e gjatë që përkeqësohet

Lodhje e vazhdueshme

Fazat dhe Trajtimi për Kancerin e Mushkërive

Kur një pacient diagnostikohet me kancer të mushkërive, duhet të bëhen edhe disa teste për të zbuluar shkallën e përhapjes së kancerit përmes mushkërive, nyjeve limfatike dhe pjesëve të tjera të trupit që nënkupton fazën e kancerit.

Lloji dhe faza e kancerit të mushkërive ndihmon onkologun të vendosë për trajtimin më efektiv për pacientin.

NSCLC- Në varësi të llojit dhe fazës së sëmundjes, kanceri i mushkërive trajtohet në disa mënyra, sic janë kirurgjia, kimioterpia, terapia e rrezatimit, imunoterapia etj. ka katër faza kryesore:

– Në fazën 1, kanceri lokalizohet në mushkëri dhe nuk është përhapur jashtë mushkërive.

– Në fazën 2, kanceri është i pranishëm në mushkëri dhe nyjet limfatike përreth.

– Në fazën 3, kanceri është i pranishëm në mushkëritë dhe nyjet limfatike në mes të gjoksit.

– Në fazën 3A, kanceri është i pranishëm në nyjet limfatike vetëm në të njëjtën anë të gjoksit ku kanceri filloi të rritet.

– Në Fazën 3B, kanceri është përhapur në nyjet limfatike në anën e kundërt të gjoksit ose mbi kockën e klavikulit.

– Në fazën 4, kanceri është përhapur në të dy mushkëritë, zonën rreth mushkërive ose në organet e largëta.

Burimi: Pulmo Plus