Pas gjashtë viteve që prej kur është diagnostifikuar me kancer, 18 vjeçarit, Chase Smith, iu është kumtuar që i ka vetëm tre deri në pesë muaj jetë.

Për periudhën e mbetur të jetës ai ka vendosur që të martohet me dashurinë e tij të jetës, Sadie Mills.

Çifti u martuan në fund të prillit në një ceremoni ku merrnin pjesë familjarët dhe shoqëria e tyre.

Smith ishte diagnostifikuar me kancer në moshën 12 vjeçare. Gjatë kësaj kohe ai po e menaxhonte sëmundje dhe po vazhdonte shkollimi dhe bënte not – e pikërisht aty takoi të dashurën e tij.

Gjashtë vjet pasi fillimisht u diagnostifikua, Smith iu paraqit sërish kanceri, tani në shpinë, mushkri dhe krah. Mjekët i thanë që ai nuk ka shumë muaj jetë.

Të dy të rinjtë janë shumë fetar dhe pikërisht në kishë ai i propozoi asaj.,

“I thash Sadie se sa shumë e dua dhe si ma ka ndryshuar jetën. E në kishë i propozova”, është shprehur Smith.