Një person i moshës madhore është ndaluar pasi i njëjti dyshohet se ka ngacmuar seksualisht një vajzë të mitur.

Lajmi e ka konfirmuar Laureta Ulaj, zëdhënëse e Prokurorisë Themelore të Prishtinës.

Ulaj tha se brenda afatit ligjor Prokurori i Shtetit do të bëjë kërkesë për caktimin e masës së paraburgimit.

“Me urdhër të prokurorit është ndaluar është një person (madhor), për shkak të dyshimit se ka kryer veprën penale “Sulm seksual” dhe ndaj të njëjtit, brenda afatit ligjor, Prokurori i Shtetit do të paraqes kërkesë për caktimin e masës së paraburgimit”, tha Ulaj.