Dita Ndërkombëtare e Gruas, është shënuar simbolikisht edhe në Qendrën Klinike dhe Universitare të Kosovës.

Rolin, rëndësinë dhe kontributin e grave që punojnë në shërbimet shëndetësore dhe administratën e QKUK-së, e ka vlerësuar U.d. drejtori i QKUK-së, Osman Hajdari.

Me këtë rast, me rastin e pensionimit, është ndarë mirënjohje për Dr. Fellenza Gjinolli, për kontributin që ka dhënë për dekada të tëra, në përgatitjen e kuadrove mjekësore dhe avancimin e shërbimeve shëndetësore në Klinikën e Kirurgjisë Maksillofaciale.