Humbja e yndyrës së tepërt të barkut mund të përmirësojë ndjeshëm shëndetin tonë të përgjithshëm.

“Yndyra e tepërt e barkut është zakonisht një shenjë paralajmëruese e yndyrës së tepërt të brendshme. Yndyra e tepërt viscerale kontribuon në zhvillimin dhe përparimin e sëmundjeve të lidhura me obezitetin, si diabeti dhe kolesteroli i lartë,” thotë për Parade specialistja e gastroenterologjisë dhe mjekësisë së obezitetit Lauren Donnangelo.

Faktorë të ndryshëm kontribuojnë në sasinë e yndyrës së barkut, disa prej të cilëve (p.sh. gjenetika) nuk mund t’i kontrollojmë. Megjithatë, zakonet dhe rutinat janë gjithashtu të rëndësishme, dhe për fat ne mund t’i menaxhojmë ato.

Ecja e përditshme dhe trajnimi i forcës janë të shkëlqyera për të filluar

“Pacientët që planifikojnë dhe i përmbahen rutinave të shëndetshme priren të jenë më të suksesshëm në humbjen dhe ruajtjen e peshës afatgjatë. Përgatitja dhe qëndrueshmëria janë thelbësore”, shtoi gastoenteorologia.

Ajo theksoi një zakon të thjeshtë që mund të zvogëlojë ndjeshëm yndyrën e barkut – ushtrimin.

“Rrisni aktivitetin tuaj fizik. Ecja çdo ditë dhe stërvitjet e forcës dy herë në javë janë vende të shkëlqyera për të filluar” , këshillon Donnangelo, shkruan Index.hr.

Rekomandimet e Shoqatës Amerikane të Zemrës (AHA) për aktivitetin fizik e mbështesin këtë ide. AHA rekomandon të paktën 150 minuta aktivitet aerobik me intensitet të moderuar ose 75 minuta aktivitet të fuqishëm në javë, mundësisht të shpërndara në disa ditë. Megjithatë, AHA thekson se edhe ushtrimet me intensitet të ulët mund të luftojnë disa nga efektet e një stili jetese të ulur.