Ndonjëherë, ju mund të gjeni moshën që ka një person vetëm duke e shikuar në fytyrë. Dermatologia, Tina Orsmaee, ka treguar se cilat janë shenjat në lëkurë, që na bënë të dimë për moshën e tjetrit.

Sipas saj, është ngjyra e lëkurës shpeshherë tregues i moshës që keni. Shenjat e zeza në lëkurë janë shpërndarje e pabarabartë e melaninës në qelizat e lëkurës, që i bënë disa pjesë të saj të duken më të errëta.

Orsmaee shprehet që edhe volumi i pjesëve të fytyrës është tregues i moshës që keni. Kur një person është më i ri, ka buzë e mollëza më të ngitura. Kur disa pjesë të fytyrës, janë më voluminoze, fytyra duket më e re.

Ajo argumentoi gjithashtu që linjat e qarta të fytyrës, janë të lidhura me rininë. Kjo për shkak të elasticitetit të lëkurës. Me kalimin e viteve, linjat e fytyrës nuk vrehen aq shumë dhe për këtë arsye një person duket më i moshuar.

Madhësia e hundës sipas Orsmaee, është një tjetër tipar në fytyrë, që tregon sa i moshuar është një person. Për shkak që hunda dhe veshët, nuk ndalojnë kurrë së rrituri, këto pjesë të fytyrës, janë tregues i moshës së një personi. /Familja Jone