Burrat, gratë dhe njerëzit e të gjitha identiteteve gjinore mund të përjetojnë depresion në një moment në jetën e tyre.

Depresioni është një gjendje serioze që ndikon në mënyrën se si një person mendon, ndihet dhe vepron.

Sipas të dhënave nga Qendrat për Kontrollin dhe Parandalimin e Sëmundjeve (CDC), gratë duket se përjetojnë depresion në një shkallë më të lartë sesa burrat. Sidoqoftë, mendohet se burrat mund të jenë të nënpërfaqësuar në këto numra.

Kjo mund të jetë për shkak të përzierjes së faktorëve socialë dhe biologjikë që e bëjnë më sfiduese të vërehet dhe diagnostikohet depresioni tek meshkujt. Ata gjithashtu mund të ndihen nën presion kulturor për të vepruar “burrërisht” duke fshehur emocionet e tyre, shkruan Healthline, përcjell klankosova.tv.

Për shkak të kësaj, është më e zakonshme që burrat të kenë depresion me simptoma të ndryshme dhe ndonjëherë më të vështira për tu identifikuar.

Disa shenja të zakonshme fizike të depresionit tek meshkujt përfshijnë; shtrëngim gjoksi, problemet e tretjes si gazi, diarreja dhe kapsllëku, mosfunksionim erektil dhe probleme të tjera seksuale, dhimbje koke, si dhe çështje hormonale si testosteroni i ulët.