Ka shumë procese, sinjale dhe rrugë komplekse të ndryshme që kontrollojnë metabolizmin tonë që përfshijnë trurin, muskujt, qelizat dhe organet

Një nga keqkuptimet më të zakonshme që njerëzit besojnë është se një lloj i caktuar ushqimi mund të përshpejtojë metabolizmin, transmeton Telegrafi.

Shkencëtarët e hedhin poshtë idenë si “të rreme”, dhe teoria se ushqimet si speci i kuq dhe çaji jeshil përshpejtojnë metabolizmin tonë bazohet në atë që ekspertët e quajnë “pretendime shumë të lirshme shkencore”.

Ajo që substancat si kafeina mund të na japin më shumë acide yndyrore në muskuj që do të përdoren për energji, por kjo është krejtësisht e ndryshme nga djegia konkrete e yndyrës.

Metabolizmi është në thelb mënyra se si trupi ynë vendos të krijojë energji dhe ka të bëjë me konvertimin e kalorive që ne i fusim në energji.

“Përforcuesit” natyralë si kafeina dhe erëzat në thelb nuk përshpejtojnë metabolizmin, por ndihmojnë në përdorimin e substancave të nevojshme për energji.

“Përforcuesit” natyralë si kafeina dhe erëzat në thelb nuk përshpejtojnë metabolizmin, por ndihmojnë në përdorimin e substancave të nevojshme për energji. Dhe qëllimi përfundimtar i nxitjes së metabolizmit nuk është në fakt përdorimi i më shumë energjisë, por efikasiteti dhe ruajtja e energjisë, shkruan Healthline.

Është e rëndësishme të përmendet se disa ushqime kanë nevojë për më shumë energji për t’u shpërbërë dhe tretur, siç janë ushqimet e pasura me proteina dhe fibra.

Një studim i vitit 2021 tregoi se një dietë e pasur me proteina rrit konsumin ditor të energjisë në krahasim me një dietë të ulët në proteina. Por kjo nuk do të thotë se trupi juaj ka ndryshuar ndjeshëm ose se shëndeti juaj i përgjithshëm metabolik është përmirësuar.