Ministria e Shëndetësisë sot ka pranuar një donacion nga SOROS-i.

Gjatë ceremonisë së pranimit është bërë e ditur se MSH-ja ka pranuar 100 mijë teste.

Vlera e këtij donacioni kap shifrën 1.5 milionë euro. I pranishëm gjatë ceremonisë ishte edhe ministri i Shëndetësisë, Armend Zemaj.

“100.000 teste PCR i vijnë Kosovës nga Fondacioni për Shoqëri të Hapur. Procedurat e filluara në shtator, me donacionin e 1.5 milion eurove po realizohet sot.

Donacioni është kontribut i çmueshëm në rritjen e fuqisë testuese për diagnostikimin e infeksionit Covid-19 në Kosovë, për çka e falënderoj z. Luan Shllaku, drejtor ekzekutiv i Fondacionit për Shoqëri të Hapur (KFOS) si dhe kryeministrin z. Avdullah Hoti, për angazhimin e pakursyer për dhe rreth këtij donacioni duke e iniciuar dhe realizuar atë.

Këto teste por edhe të tjerat që janë, dhe që do të vijnë tutje, i dedikohen çdo qytetari të Republikës së Kosovës, në tërë territorin e vendit.

Ndërkaq, ne në vazhdimësi jemi duke i koordinuar aktivitetet me donatorët e ndryshëm.

Kosova është falënderuese ndaj çdo donacioni që merr nga partnerët ndërkombëtar”, tha ai./io