Si çdo formë tjetër e kancerit, lekumia- një grup kanceresh që gjenden në qelizat e gjakut dhe palcën e kockave është e vështirë të trajtohet. Duke ofruar disa shpresa, një studim i ri ka raportuar zhvillimin e një lloji të ri të vaksinës specifike terapeutike kundër leukemisë

Studiuesit nga Spitali Zhujiang i Universitetit të Mjekësisë Jugore dhe Instituti i Inxhinierisë së Procesit (IPE) të Akademisë të Shkencave në Kinë, përdorën acidin polilaktik të vetë-shërimit – një polimer i acidit laktik – mikrokapsula për të zhvilluar vaksinën e re.

“Me avantazhet e materialit të acidit polilaktik të aprovuar nga FDA, lehtësi në përgatitjen e formulimit të vaksinës, shumëllojshmëri të përbërësve të vaksinës, dhe efekt të shkëlqyeshëm terapeutik, vaksina e bazuar në mikrokapsula shfaq potencial të madh për përkthimin klinik”, tha Ma Guanghui, bashkautor i studimit.

Megjithëse potenciali i trajtimit të leukimisë duke përdorur vaksina është studiuar më parë, rezultatet terapeutike në provat klinike kanë vazhduar të bien më pak sesa pritjet.

Në këtë qasje të re ,shkenctarët përdorën acidin polilaktik shërues për të bashk-kapsuluar (duke mbuluar një molekuluë në bërthamë) një peptid të ri epitopi (pjesë e një antigjeni të njohur nga sistemi imunitar) dhe një antitrup të njohur si PD-1.

Këtu, peptidet e epitopit dhe antitrupat PD-1 mund të vendosen lehtësisht dhe me efikasitet në mikrokapsula të acidit polilaktik, të cilat u ndihmuan nga vetia e tyre dalluese e vetë-shërimit. Gjeni EPS8 (substrati 8 i receptorit të faktorit rritës epidermal 8) dhe PD-1 (proteina e programuar e vdekjes qelizore 1) zbulohet se shprehet shumë në leukemi.

Duke shpjeguar parimin themelor të vaksinave, Li Yuhua, bashkautor i studimit, tha se gjetjet klinike zbuluan shprehjen e lartë të EPS8 dhe PD-1 / PD-L1 në pacientët me leukemi, e cila mund të përdoret përkatësisht si një lloj i ri i antigjenit të leukemisë dhe një pikë kontrolli për një vaksinë të leukemisë.

Pas një doze të vetme të vaksinës, depozitimi dhe degradimi i mikrokapsulave të injektuara në vendin e injeksionit ishin në gjendje të rekrutonin qelizat e aktivizuara antigjen-prezantuese dhe të siguronin një çlirim të qëndrueshëm të të dy përbërësve të vaksinës.

“Me sinergjizmin e këtyre dy aspekteve, kemi vërejtur një përmirësim të ndjeshëm në aktivizimin specifik të Limfociteve T Citotoksike (CTL)”, tha Wei Wei, bashkautor i studimit.

Fizibiliteti i vaksinës u testua gjithashtu duke përdorur peptide të tjerë epitopi në modele të ndryshme terapeutike të leukemisë. Në të gjitha modelet, vaksina e bazuar në mikrokapsulë shfaqi një efekt superior, pra, duke theksuar potencialin e saj për përdorim kundër antigjeneve të shumta të leukemisë klinikisht./Familja Jonë