Me gjasë secili prej jush keni përdorur ibuprofen ndonjëherë në jetën tuaj.

Edhe pse ky medikament i cili jepet pa recetë është një qetësues i mundshëm për shumë persona, ata shpesh nuk janë të vetëdijshëm për efektet e tij anësore. Një efekt “i zakonshëm” i padëshiruar mund të shfaqet gjatë ngrënies.

I projektuar për t’i targetuar një sërë dhimbjesh, ibuprofeni mund të trajtojë çdo gjë nga dhimbjet e përditshme të kokës deri te simptomat e artritit. Megjithëse njihet më së miri si një tabletë e vogël, ibuprofeni vjen në forma të ndryshme, që variojnë nga granula në lëngje. Dhe ashtu si çdo ilaç tjetër, ibuprofeni gjithashtu vjen me një listë të efekteve anësore të mundshme.

Megjithëse  Instituti Kombëtar i Shëndetit, NHS, shpjegon se efektet anësore “të zakonshme” të ibuprofenit ndodhin në më shumë se një në 100 njerëz, është ende e rëndësishme të jeni të vetëdijshëm për shenjat.

Sipas Drugs.com, një efekt “i zakonshëm” i padëshiruar shfaqet kur hani.

Portali shëndetësor shpjegon se ibuprofeni mund t’ju bëjë të ndiheni të ngopur.

Ata e rendisin një “ndjenjë të plotë” si një simptomë që duhet të kontrollohet me mjekun tuaj “menjëherë”.

Drugs.com shpjegon: “Së bashku me efektet e nevojshme, ibuprofeni mund të shkaktojë disa efekte të padëshiruara.

“Edhe pse jo të gjitha këto efekte anësore mund të ndodhin, nëse ndodhin, mund të kenë nevojë për kujdes mjekësor.”

Një tjetër efekt anësor i ngjashëm që mund të shfaqet edhe kur jeni duke marrë qetësuesin është humbja e oreksit.

Megjithatë, portali shëndetësor e rendit mungesën e oreksit si një efekt anësor “të rrallë”.

Shërbimi shëndetësor rekomandon të flisni me një mjek ose farmacist nëse keni probleme me efekte anësore si këto.

Në varësi të llojit të saktë të ibuprofenit që po e përdorni, efektet anësore mund të ndryshojnë.

Kjo është arsyeja pse NHS rekomandon gjithmonë kontrollimin e broshurës së informacionit të pacientit që erdhi me ilaçin tuaj.

Nëse jeni të shqetësuar për zhvillimin e efekteve anësore, NHS vëren se zgjedhja e ibuprofenit në formën e xhelit, shkumës dhe sprejit mund t’ju bëjë më pak të ngjarë të vuani nga efektet anësore.

Megjithatë, nëse përdorni shumë nga këto produkte në një zonë të madhe të lëkurës suaj, mund të keni ende të njëjtat efekte anësore.

Plus, aplikimi i ibuprofenit në lëkurën tuaj ndonjëherë mund ta bëjë atë më të ndjeshme ndaj dritës së diellit.

Nëse vëreni këtë ndjeshmëri, atëherë NHS rekomandon ta kontaktoni një mjek.

Kur bëhet fjalë për dozën e saktë të ibuprofenit, shërbimi shëndetësor thekson se doza e zakonshme për të rriturit është një ose dy tableta ose kapsula 200 mg tri herë në ditë.

Gjithmonë ndiqni këshillat e mjekut ose farmacistit tuaj dhe udhëzimet që vijnë me ilaçin tuaj, shton ai./Express.co.uk