Alergjia ndaj kikirikut është një nga shkaqet më të zakonshme të sulmeve të rënda alergjike. Për disa njerëz me alergji nga kikirikët, edhe sasi të vogla të kikirikëve mund të shkaktojnë një reagim serioz që mund të jetë edhe kërcënues për jetën (anafilaksi).

Alergjia ndaj kikirikut është rritur tek fëmijët. Edhe nëse ju ose fëmija juaj keni pasur vetëm një reaksion të butë alergjik ndaj kikirikëve, është e rëndësishme të flisni me mjekun tuaj. Ende ekziston rreziku i një reagimi më serioz në të ardhmen.

Një përgjigje alergjike ndaj kikirikëve zakonisht ndodh brenda disa minutave pas ekspozimit. Shenjat dhe simptomat e alergjisë ndaj kikirikut mund të përfshijnë:

Reaksione të lëkurës, të tilla si urtikarie, skuqje ose ënjtje

Kruarje ose ndjesi shpimi gjilpërash në ose rreth gojës dhe fytit

Probleme me tretjen, si diarre, ngërçe në stomak, të përziera ose të vjella

Shtrëngimi i fytit

Frymëmarrje e shkurtër ose fishkëllimë

Rrjedhja e hundës/mayoclinic