Shërbimi Spitalor Klinik dhe Universitar i Kosovës (ShSKUK) ka njoftuar se janë duke u trajtuar 21 pacientë me COVID-19.

Siç thuhet në njoftim, 21 pacientë të konfirmuar me coronavirus pozitivë po marrin trajtim në Shërbimin Spitalor Klinik dhe Universitar të Kosovës, 15 të tjerë të negativizuar, post-Covid-19.

“Me oksigjeno-terapi janë 23 pacientë, kurse në Mjekim Intensiv po trajtohen 4 pacientë”, thuhet në njoftim.

Raporti sipas klinikave dhe spitaleve të përgjithshme:

Klinika Infektive, 17 pacientë

Mjekimi Intensiv i Klinikës Infektive, 4 pacientë

Klinika e Pediatrisë, 2 pacientë

Spitali i Prizrenit, 1 pacient

Spitali i Gjilanit, 6 pacientë

Spitali i Pejës, 2 pacientë

Spitali i Gjakovës, 2 pacientë

Spitali i Ferizajt, 2 pacientë

Ndryshe, në 24 orët e fundit në Kosovë janë konfirmuar 69 raste me coronavirus. Për shkak të rënies së rasteve me coronavirus, Qeveria e Kosovës më 1 mars ka vendosur për lehtësimin e masave antiCOVID, ku është hequr ora policore.