Shërbimi Spitalor Klinik dhe Universitar i Kosovës ka bërë të ditur se gjatë këtij viti në klinikën e Kirurgjisë së Fëmijëve në Qendrën Klinike Universitare të Kosovës janë kryer 1 mijë e 70 intervenime kirurgjike te fëmijët me probleme të ndryshme shëndetësore.

“Në klinikën e Kirurgjisë së Fëmijëve nga 1 janari deri më 21 dhjetor janë trajtuar 591 raste urgjente dhe 478 raste jo urgjente”, njoftoi ShSKUK.

Sipas ShSKUK-së gjatë të njëjtës periudhë  janë realizuar edhe 8 mijë e 536 vizita mjekësore.