Federata e Sindikatave të Shëndetësisë në Kosovë ka kërkuar takim urgjent me tre krerët e shtetit: Presidenten, kryeparlamantarin dhe kryeministrin.

Kërkesa për takim urgjent vjen pasi Qeveria vendosi për shtesa mujore prej 10 për qind të pagës, në minimum 60 euro, për stafin shëndetësor në kohë pandemie. Kjo s’u prit mirë nga stafi shëndetësor që e cilësoi shtesën si lëmoshë.

Në njoftimin për media të FSSHK-së thuhet se “është koha e fundit të reflektojnë krerët e shteti, çka është mjaft është mjaft!”.

FSSHK tutje ka thënë se ditët në vijim do të bashkërendojë aktivitetet dhe veprimet sindikale pas datës 13 shtator, deri kur i ka dhënë ultimatum Qeverisë për vendim në disa kërkesa.