Një person nga komuna e Suharekës ka plagosur veten me armë gjuetie, duke u dërguar më pas në për trajtim në Spitalin e Prizrenit.

Lajmin e ka bërë të ditur vetë Policia e Kosovës në raportin 24-orësh, ndërsa ngjarja mësohet se ka ndodhur dje.

“Në fshatin Doberdolan, Suharekë 30.01.2021 – 15:10. Është raportuar se në QKMF Suharekë ka kërkuar tretman mjekësor i dyshuari  mashkull kosovar, i cili më pas është dërguar në spitalin rajonal në Prizren për tretman ku më pas është liruar për në shtëpi. I dyshuari me armë gjuetie është vetë plagosur. Njësitë relevante policore kanë dalë në vendin e ngjarjes, ku kanë konfiskuar një pushkë gjuetie dhe 16 fishek të cal. 16 mm. Në lidhje me rastin është konsultuar prokurori i shtetit i cili ka rekomanduar që rasti të procedohet në procedurë të rregullt”, ka bërë të ditur Policia e Kosovës