Një zyrtar i Organizatës Botërore të Shëndetësisë (OBSH) paralajmëroi sot se përhapja e koronavirusit në Evrope është më keq sesa në mars, thuajse në fillimin e pandemisë.

Hans Kluge, drejtori rajonal i OBSH për Evrope, tha se përhapja aktuale e virusit duhet të shërbejë si një “thirrje zgjimi”.

“Në pranverë e në fillim të verës ne kishim mundësi të shihnim pasojat e masave të ashpra të izolimit.

Dhe në fakt përpjekjet dhe saktificat tona dhanë rezultat. Në qershor rastet ishin në më të ulëtën e tyre.

Ndërsa shifrat e shtatorit duhet të shërbejnë si një thirrje zgjimi për të gjithë ne”.

Europa ka raportuar 300,000 raste të reja infeksioni në një javë, që është shfra më e lartë 7-ditore prej nisjes së pandemisë. Në total, Evrope ka raportuar rreth 4.9 milionë raste koronavirusi dhe 226,524 vdekje.

“Një situatë shumë serioze po shpaloset para nesh,” tha Kluge. “Rastet e përjavshme kanë kaluar ato që raportoheshin në kulmin e epidemisë në mars”.

Kluge theksoi se rritja e infektimeve mund të reflektojë dhe rritjen e numrit të testimeve por qeveritë nuk duhet të reduktojnë kohëzgjatjen e karantinës për njerëzit që kanë qenë në kontakt me të infektuarit.

“Megjithse shifrat tregojnë për më shumë testime, ato tregojnë gjithashtu për shifra alarmuese në rajon.

Periudha 14-ditore e karantinës është një vlerësim mjaft i përmbajtur për kohën e infektimit”, tha ai.