Kanë filluar përgatitjet për organizimin e Kongresit të Tetë të Mjekësisë

Oda e Mjekëve të Kosovës ka filluar përgatitjet për organizimin e Kongresit të Tetë të Mjekësisë. Në këtë kuadër, u mbajt takimi i parë i përbashkët i Këshillit Shkencor dhe Këshillit Organizativ, ku u diskutuan temat kryesore që do të përfshihen në programin shkencor të kongresit, me fokus të veçantë në promovimin e shëndetit dhe sfidat bashkëkohore në shëndetësi.

Kongresi i Tetë i Mjekësisë do të mbahet më 22–24 tetor 2026, me pjesëmarrjen e deri 2000 mjekëve.

Së shpejti do të publikohen thirrjet dhe informacionet e tjera relevante për pjesëmarrësit.