Mandarina rekomandohet të hahet sidomos në periudhë të dimrit, për të luftuar ftohjen dhe për ta fuqizuar organizmin me vitaminë C. Mirëpo, preferohet që edhe lëvoret e mandarinës të mos hidhen pasi mund të shërbejnë për disa aspekte.

“Vinmec” shkruan se lëvorja e mandarinës ose e portokallit përmban kalcium, bakër, magnez, kalium, fosfor, fibra dhe shumë vitaminë C, duke i dhënë organizmit fuqi dhe imunitet të shtuar. Gjithashtu thuhet se lëvorja ndihmon shëndetin e zemrës, reduktojnë inflamacionin dhe alergjitë, largojnë erën e gojës dhe ndikojnë në zbardhjen e dhëmbëve.

Konsumimi i disa fetave të lëvores bën që shëndeti juaj të përmirësohet, derisa heq edhe dhimbjet e kokës.

Gjithashtu, zbutja e lëvoreve me ujë dhe pirja në formë të çajit ndikon në rritjen e oreksit, largon stresin, ulë presionin e gjakut dhe stimulon emocionet pozitive.

Njihuni edhe me benefitet e shumta të mandarinave, por që ekspertët kanë këshilluar që të mos teprohet me ngrënien e tyre.