Ministria e Shëndetësisë ka lansuar Projektin për Përzgjedhjen e Mjekut Familjar brenda zonave të banimit, një nismë që synon të përmirësojë ndjeshëm shërbimet shëndetësore për qytetarët.

Ky projekt është krijuar për të lehtësuar procesin e identifikimit të pacientëve me nevoja specifike shëndetësore, duke u mundësuar mjekëve që të ndjekin nga afër dhe në mënyrë të vazhdueshme historikun e tyre mjekësor. Kjo qasje do të ndihmojë në parandalimin e sëmundjeve, por edhe në trajtimin më cilësor të tyre, pasi mjekët do të kenë qasje më të mirë dhe më të shpejtë në informacionet e nevojshme për secilin pacient.

Një aspekt i rëndësishëm i këtij projekti është financimi dhe mbështetja e dhënë nga organizata AQH, e cila luan një rol të rëndësishëm në zbatimin e agjendës së reformave kombëtare, me fokus të veçantë në përmirësimin e kujdesit shëndetësor në nivelin e Kujdesit Parësor Shëndetësor (PHC).

Bashkëpunimi mes Ministrisë së Shëndetësisë dhe AQH-së do të ndihmojë në realizimin e këtij projekti me efikasitet, duke përmirësuar kështu cilësinë e kujdesit shëndetësor për qytetarët në të gjitha zonat e vendit.