Nëse gjatë dimrit nuk i kemi kushtuar shumë rëndësi ngjyrës së lëkurës nën sqetulla, gjatë verës ndodh e kundërta

Ashtu si pjesët e tjera të trupit, lëkura nën sqetulla mund të errësohet ose të zbardhet.

Ja cilat janë shkaqet që lëkura errësohet në këtë zonë:

▪ irrituesit kimikë në deodorantë dhe antidjersë
▪ acarim i shkaktuar nga rruajtja
▪ mbledhje e qelizave të vdekura të lëkurës për shkak të eksfolimit të rrallë
▪ fërkimi i shkaktuar nga rrobat e ngushta
▪ hiperpigmentim, si rritja e melaninës
▪ melasma, ose njolla të errëta në lëkurë
▪ acanthosis nigricans, një çrregullim i pigmentimit të lëkurës që lidhet me diabetin, obezitetin dhe nivelet jonormale të hormoneve
▪ çrregullime të tjera të lëkurës që mund të shkaktojnë errësim
▪ eritrasma, një infeksion bakterial i lëkurës
▪ Sëmundja e Addison-it, e cila mund të ndodhë kur keni një gjëndër mbiveshkore të dëmtuar
▪ pirja e duhanit, e cila rrit hiperpigmentimin

Hapat e parë drejt sqetullave me ngjyrë më të çelët

1. Ndryshoni deodorantin ose antidjersën.
2. Ndaloni rruajtjen. Në vend të kësaj, provoni depilimin ose heqjen e qimeve me lazer.
3. Eksfolioni. Përdroni një skrab të lehtë në zonën e sqetullave dy deri në tre herë në javë.
4. Vishni rroba të gjera.
5. Mundohuni të lini duhanin.

Disa trajtime natyrale

Patate: Grini një patate, shtrydhni lëngun nga patatja e grirë dhe aplikojeni lëngun në sqetulla. Pas 10 minutash, shpëlani sqetullat me ujë të ftohtë.

Limon: Prisni feta të trasha limoni dhe fërkojini në sqetulla. Pas 10 minutash, shpëlajini sqetullat me ujë të freskët, thajini dhe aplikoni një krem hidratues.

Shafran + limon: Në një tas të vogël, përzieni 2 lugë gjelle lëng limoni të freskët me shafran sa për të bërë një pastë. Aplikojeni pastën në mënyrë të barabartë në sqetulla. Pas 30 minutash, lani pastën, citon Anabel.

Vaj kokosi: Masazhoni disa pika vaj kokosi në sqetulla. Pas 15 minutash, lajini me ujë të vakët dhe një sapun të butë. Përsëritni këto hapa dy deri në tre herë në javë.