Nëse keni dhjamë në bark dhe dëshironi ta humbni atë, por nuk dëshironi të mbani një dietë drastike, ndoshta duhet të përfshini disa nga këto fruta në dietën tuaj.

Më poshtë janë shtatë lloje frutash që do t’ju ndihmojnë të humbni yndyrën e barkut dhe të përmirësoni shëndetin tuaj me kalimin e kohës.

Mollët

Sipas Health Shots, mollët janë të pasura me fibra dietike, veçanërisht pektinë, e cila ndihmon të ndiheni të ngopur dhe të reduktoni oreksin. Përveç kësaj, mollët janë një frut me pak kalori, gjë që i bën ato një ushqim të shkëlqyer nëse dëshironi të humbni peshë. Antioksidantët në mollë, si kuercetina dhe flavonoidet, mund të zvogëlojnë inflamacionin dhe të përmirësojnë shëndetin metabolik, duke kontribuar në humbjen e yndyrës së barkut.

Fruta me kokrra të kuqe

Luleshtrydhet, boronicat, mjedrat dhe manaferrat, janë të mbushura me antioksidantë, vitamina dhe fibra, raporton Health Shots. Përmbajtja e tyre e lartë e fibrave ndihmon në rregullimin e tretjes dhe ju mban të ndiheni të ngopur më gjatë, duke reduktuar gjasat për të ngrënë tepër, shkruan Index.hr.

Ananasi

Ananasi përmban bromelainë, një enzimë që ndihmon tretjen dhe redukton fryrjen dhe inflamacionin. Ky frut tropikal është gjithashtu i pasur me vitamina dhe antioksidantë që mbështesin shëndetin metabolik dhe humbjen e yndyrës. Po kështu, përmbajtja e lartë e ujit në ananasin ju ndihmon të qëndroni të hidratuar dhe të ngopur dhe kontrollon dëshirat e tepërta për të ngrënë tepër.

Bananet

Bananet janë një burim i shkëlqyer i kaliumit që ndihmon në balancimin e niveleve të natriumit në trup dhe redukton mbajtjen e ujit dhe fryrjen. Ato përmbajnë gjithashtu niseshte rezistente, një lloj karbohidrati që nxit oksidimin e yndyrës dhe redukton ruajtjen e yndyrës. Ngrënia e këtij fruti popullor mund t’ju ndihmojë të ndiheni të ngopur dhe të kënaqur, duke reduktuar gjasat për të ngrënë tepër dhe duke reduktuar dhjamin e barkut.

Shalqini

Shalqiri është një frut hidratues me përmbajtje të lartë uji dhe pak kalori. Ngrënia e shalqirit mund t’ju ndihmojë të qëndroni të ngopur dhe të kënaqur.

Kivi

Kivi është një frut ushqyes, i pasur me fibra, vitamina dhe antioksidantë. Fibra në kivi përmirëson tretjen dhe parandalon fryrjen, ndërsa përmbajtja e tij e ulët kalori e bën atë një shtesë të përsosur për një dietë për humbje peshe.

Avokado

Avokado është një ushqim i shkëlqyeshëm për t’u konsumuar nëse dëshironi të reduktoni yndyrën e barkut. Ky frut përmban një përqindje të lartë të yndyrave të shëndetshme, veçanërisht yndyrave të pangopura.