Një ekspert ka treguar se si fluturimi me aeroplan mund të ketë një ndikim ‘të rëndësishëm’ në mushkëri, për shkak të presionit të reduktuar të ajrit brenda ambientit të kabinës.

Presioni i ajrit brenda avionëve mendohet të jetë 75 pwr qind e asaj që jemi mësuar në nivelin e detit, dhe si i tillë, nivelet më të ulëta të oksigjenit mund të shkaktojnë probleme për disa.

Dr.Lawrence Cunningham, një ekspert mjekësor për UK Care Guide dhe një mjek i përgjithshëm në pension, thotë për Metro.co.uk se për pasagjerët e shëndetshëm, presioni i reduktuar i ajrit zakonisht nuk shkakton shumë probleme, pasi trupat tanë shpesh thjesht “përshtaten” pa komplikime të rënda. Por duke u thënë kështu, edhe pasagjeri mesatar mund të përjetojë disa simptoma të presionit të ulët të ajrit: siklet, lodhje, rritje të rrahjeve të zemrës ose gulçim i lehtë, shkruan Metro.

Por, përpara se të filloni të anuloni planet tuaja të pushimeve, Dr.Cunningham ka ndarë disa hapa kyç që duhen ndërmarrë përpara udhëtimit me avion që do t’ju ndihmojnë të jeni më të rehatshëm dhe të luftoni efektet e atyre niveleve të reduktuara të oksigjenit.

E para është të qëndroni të hidratuar. “Ajri i kabinës është mjaft i thatë dhe dehidratimi mund të përkeqësojë ndjenjën e gulçimit. Unë gjithmonë këshilloj të pini shumë ujë para dhe gjatë fluturimit”, thotë ai.

Më pas, duhet të ngriheni dhe të lëvizni gjatë fluturimit tuaj, pasi shtrirja dhe lëvizja e lehtë “ndihmojnë në promovimin e qarkullimit më të mirë dhe mund të ndihmojnë në ruajtjen e funksionit optimal të mushkërive”.

Mjeku rekomandon gjithashtu përdorimin e një spraji nazal të kripur përpara fluturimit, pasi kjo do t’i mbajë pasazhet e hundës me lagështi për të ndihmuar në mbrojtjen kundër patogjenëve të ajrit, shkruan Metro