Kur janë nervozë ose të përqendruar, njerëzit në përgjithësi kalojnë duart nëpër flokë, prekin fytyrat, kafshojnë thonjtë, trokasin këmbët, shtrëngojnë buzët dhe kërcasin kyçet e tyre. Shumë pyesin nëse mund të ketë pasoja negative.

“Që nga vitet e shtatëdhjeta, ne kemi studiuar nëse artriti mund të zhvillohet si rezultat i kërcitjes së nyjave”, thotë Elaine Husni nga Departamenti i Reumatologjisë dhe Imunologjisë në Klinikën Cleveland.

Dhe nëse po pyesni veten nëse kërcitja e nyjave mund të shkaktojë artrit, përgjigjja është ndoshta jo.

Në fakt, nuk ka asgjë të dëmshme për kërcitjen, sepse është një flluskë që shfaqet në nyje, dhe shpërthen kur ushtrohet. Si rezultat, ne dëgjojmë një tingull kërcitjeje.

Një studim i publikuar në vitin 2011 në The Journal of the American Board of Family Medicine zbuloi se kërcitja e zakonshme e nyjave nuk është një faktor rreziku për osteoartritin e duarve. Por, Husni thotë se kjo mund të çojë në probleme të tjera të nyjave.

“Kërcitja e nyjave mund të çojë në dobësim të tyre, gjë që mund të shkaktojë dhimbje dhe ju mund ta gaboni atë ndjenjë me artritin”, ka shpjeguar ai.

Me kalimin e moshës, gjasat për të zhvilluar artrit në përgjithësi rriten. Pra, edhe pse kërcitja e nyjave ndoshta nuk e shkakton, nuk do të thotë se nuk do ta zhvilloni.