Virusi i Nilit Perëndimor ka marrë jetën e pesë personave vetëm brenda një jave në Greqi, thanë të premten autoritetet shëndetësore.

Autoriteti Kombëtar i Shëndetit Publik grek tha në një deklaratë se virusi shkaktoi vdekjen e gjashtë personave gjithsej në pjesë të ndryshme të vendit këtë vit. Më tej u tha se pesë nga këto vdekje u regjistruan në javën e fundit.

Ekspertët theksuan rëndësinë e mbrojtjes personale kundër mushkonjave, të cilat janë transmetuesit kryesorë të virusit.