Shtimi në peshë është tepër i lehtë, por rënia prej saj vështirësohet gjithnjë e më shumë, sidomos pas një moshe të caktuar.

Në këtë artikull të do të mësoni për trajtime natyrale të cilat mund t’i bëni në shtëpi dhe ju ndihmojnë të humbisni në peshë në dy javë.

Zgjidhni një nga metodat që mund ta keni më të lehtë për ta aplikuar.

Limon me mjaltë

Tresni lëngun e një gjysme limoni dhe dy lugë mjaltë në një gotë me ujë të vakët.

Këtë lëng mund ta pini 3-4 herë në ditë.

Vitamina C tek limoni ndihmon në oksidimin e yndyrës ndërsa mjalti ul nivelin e lipideve.

Piperi i zi

Ekspertët rekomandojnë konsumin ditor të një luge çaji me piper të zi në sallata, apo ushqime të ndryshme.

Piperi i zi përmban piperinë, një substancë që ndihmon në tretjen e yndyrave.

Lëngu i majdanozit me limon e mjaltë

Çdo mëngjes duhet të pini esëll lëngun e një tufe majdanozi të përzier me lëngun e një gjysme limoni dhe mjaltë.

Kjo kurë duhet ndjekur me përpikëri çdo mëngjes për 5 ditë dhe më pas sërish pas një pushimi 10 ditor.

Majdanozi dhe lëngu i limonit ndihmojnë për tretjen dhe oksidimin e yndyrës.

Mund t’i shtoni edhe gjethe mente për shije.

(Foto: Ubylee)

Çaji i gjelbër

Pirja e rregullt e çajit të gjelbër ndihmon në rënien në peshë dhe e mirëmban atë.

Çaji jeshil është një burim i pasur i katekinës dhe kafeinës, të cilat luajnë një rol të rëndësishëm në rënien në peshë.

Ekspertët rekomandojnë pirjen e çajit jeshil deri tre herë në ditë.

Lëngu i boronicës së kuqe

Dy ose tre gota me lëng boronice të kuqe janë të rekomandueshme për rënien në peshë.

Ky lëng është shumë i pasur me antioksidantë që largojnë toksinat dhe përshpejtojnë metabolizmin.

Lëngu i aloe verës

Lëngu i aloe verës duhet pirë dy ose tre herë në ditë.

Ai ndihmon në rënien në peshë dhe përshpejton metabolizmin.

Kanella

Një herë në ditë, mund të pini një gotë me ujë të vakët në të cilën keni tretur gjysëm luge çaji me kanellë dhe lëngun e një gjysmë limoni.

Për më shumë shije mund të shtoni edhe mjaltë dhe ta pini me stomak bosh.

Kjo kurë funksionon sepse kanella është përdorur prej shekujsh kundër mbipeshës dhe diabetit.

Speci djegës

Një herë në ditë, ju mund të pini edhe një gotë me ujë ku keni tretur një lugë çaji me spec djegës pluhur dhe mjaltë.

Speci djegës përmban kapsaicinë që përmirëson metabolizmin dhe përshpejton rënien në peshë.

Xhenxhefili

Tre herë në ditë, përpara çdo vakti, mund të pini çaj xhenxhefili me mjaltë.

Mjafton që çdo herë të zieni në ujë një lugë çaji me xhenxhefil të grirë dhe më pas të shtoni mjaltë.

Xhenxhefili të jep ndjesinë e ngopjes dhe ndihmon në djegien e yndyrave të tepërta.

Hudhra

Çdo ditë, tre herë në ditë në gatimet tuaja duhet të përfshini një ose dy lugë çaji me hudhër të grirë hollë.

Përbërësit e hudhrës shmangin mbipeshën dhe e ndihmojnë trupin të humbasë kilogramët e tepërt.

(Foto: District Hypnosis)

Kosi

Njerëzit që duan të humbasin kilogramët e tepërt duhet të hanë kos dy herë në ditë.

Kosi është burim i shkëlqyer probiotikësh të cilët i japin forcë metabolizmit.

Në këtë mënyrë, menaxhimi i peshës dhe rënies prej saj është më i lehtë.