Mëngjesin e sotëm një veturë ka goditur një këmbësor në fshatin Skivjan të Gjakovës.

Këtë e ka konfirmuar për IndeksOnlinen Nysret Gjurkaj, zëdhënës i Policisë në rajonin e Gjakovës.

“Sot rreth orës 09:00 në fshatin Skivjan, ka ndodhur një aksident trafiku midis një veture dhe këmbësori.

Aksidenti ka ndodhur kur këmbësori ka tentuar ta kalonte rrugën dhe gjatë kalimit goditet me automjetin, i cili ishte në lëvizje në drejtim të Deçanit”, ka thënë ai.

Ai, sipas sipas Gjurkajt, është dërguar në Emergjencën e Spitalit Rajonal të Gjakovës dhe gjendja e tij është stabile.