Më moton “Planeti ynë, shëndeti ynë” , sot është shënuar dita botërore e shëndetit edhe në Kosovë.

Në një konferencë për shtyp të mbajtur në Institutin Kombëtar të Shëndetësisë Publike është bërë thirrje për vetëdijësimin rreth mbrojtjes së shëndetësisë dhe ambientit nga akterët më të rëndësishem të shëndetësisë.

Drejtori i IKSHPK-së, Naser Ramadani, u shpreh se mbi 13 milion njërëz në të gjithë botën vdesin për shkaqe mjedisore.

“OBSh vlerëson se më shumë se 13 milion vdekje në mbarë botën cdo vitë shkaktohen për shkak të shkaqeve mjedisore të cilat mundtë jenë të pranishme”, tha Ramadani.

Zëvendësministrja e Ministrisë së Mjedisit dhe Planifikimit Hapësinorë, Linda Çavdarbasha, thekson se janë në proces të një projekti të madhë për energji diellore, duke shtuar, se nga ky projekt do të përfitojnë drejtpërdrejtë qytetarët e Kosovës pasi që do tu mundësohet kyçja në rrjetin e ngrohjes 12 mijë familjeve në vend.

“Këtë vit është bërë shërbimi i lokacioneve për një prej projekteve më të mëdha të energjisë diellore në Evropë. Ky është projekt i parë diellore në shkallë të gjërë në sektorin publik të Kosovës. Do të përftojnë drejtpërdrejtë qytetarët e Kosovës do të sigurohet kyçje në rrjetin e ngrohjes për 12 mijë familje dhe rreth 60 mijë banorë”, tha zëvëndësministrja.

Ndërsa, zëvendësministri i Ministrisë së Shëndetësisë, Arsim Berisha, potencoi se MSh ka filluar hartimin e strategjisë së re “ku do të adresohen aspektet e përmirësimit të indikatorëve shëndetësore të ndërlidhur me faktor mjedisorë”

I pranishëm në këtë konferencë ishte edhe Oleksandr Martynenko, nga zyra e Organizatës Botërore të Shëndetësisë, i cili theksoi se kriza klimatike është shkaktar për vdekjen e mijërave qytetarëve në mbarë botën.

“Kriza klimatike është kërcënimi i vetëm më i madh shëndetësor me të cilin përballet njerëzimi. Uji i ndotur dhe kanalizimet vrasin 829 mijë njerëz brenda një viti”, u shpreh ai.