Aksioma “Puna e palodhshme shpërblehet” ka gjithnjë bazë reale. Kështu del të jetë edhe për ish-drejtoreshën e Klinikës së Pulmologjisë, Dr. Rukije Mehmetin, e cila merr shpesh falënderime për punën dhe përkushtimin që ajo tregon, vecanërisht me pacientët me koronavirus.

Vajza e një të infektuare me virus shpreh falënderimet për të gjithë stafin e Klinikës së Pulmologjisë, e posacërisht për Mehmetin e cila ka qenë gjithnjë në shërbim të pacientëve.

“Qendrimi im dyjavor, me Mamen e cila u infektu me virus, e qe pat komplikime, ne Kliniken Pulmologjike, me vendosi ne nji realitet qe as qe e kam mendu qe asht aq real e egzistues. Lufte e madhe.

Perkushtim i madh, t’u ia nise prej pastrueseve e stafit teknik. E vecantia e Komentit, asht perkushtimi i motrave, qe me aq dashni e butesi, ne keto rrethana, te buzeqeshuna, te sterlodhuna, te tejngarkueme, ne cdo moment ishin prane t’semureve.

Ju lumte

E vecanta e kesaj asht, ndihma e Dr. Rukije Mehmeti. S’di ku e gjen, tan ate fuqi, durim, perkushtim, ne nji pune me aq shume pergjegjesi, pune e palodhshme, ne kete beteje qe po zgjate kaq shume. T’lumte Ne cdo moment t’u ja nise, prej pacienteve, Familjareve, stafit mjekesor, me fjale aq te buta, te qetesonte, e cka ish ne dore te saj, gjente zgjedhje perfekte.

Kjo asht e bukura e e mira qe ju falenderohem me zemer.

Per kushte e rrethanat ne te cilat punojne keta njerez te bardhe, s’du me komentu. I dini krejte. Shpresoj qe Ata qe kane pergjegjesi, per rrethanat e kushtet,e spitaleve tona, I qelin syte pak ma shpejte.

Mama fatbardhesisht ja doli.

Flm krejteve

Dr. Rukije je e vecante. Flm”, ishte shkrimi i qytetarës.

Mehmeti, sikur cdo mjek, shpërblimin më të madh e gjen te kënaqësia e pacientëve me përkushtimin e saj. E ky vlerësim është i tëri i merituar, marrë parasysh punën dhe përkushtimin që ajo tregon në vazhdimësi.