Mar, Qer 18, 2024
Banner Top
Banner Top
Rekord i zi viktimash nga Covid-19 në Britaninë e Madhe, tejkalon vdekjet ditore në Itali dhe Spanjë

Britania e Madhe pati një tjetër ditë të zezë sot, ku koronavirusi ka shkaktuar gjatë 24 orëve të fundit 953 viktima. Kështu numri total i vdekjeve të shkaktuara nga Covid-19 në të gjithë Britaninë e Madhe ka shkuar në 8931.

Gjatë 24 orëve të fundit vetëm në Angli u shënuar 866 vdekje personash që ishin infektuar me Covid-19. Ndërsa 87 vdekje të tjera u konfirmuan sot në Skoci, Uells dhe Irlandën Veriore.

Kjo është shifra më e errët në Britaninë e Madhe krahasuar me ditët e tjera. Kujtojmë se të mërkurën ishin 938 viktima ndërsa dje 881. Kështu sot është vendosur një rekord i zi për sa i përket viktimave të shkaktuara nga Covid-19 në Britaninë e Madhe.

Sipas medieve angleze Britania e Madhe tashme ka tejkaluar me vdekjet ditor Italinë (919) dhe Spanjë (950), që kishin rekorde negative viktimash të shkaktuara nga Covid-19.

Ndërkohë i prekur nga Covid-19 në Angli është edhe kryeministri Boris Johnson.

Youtube

Arkiva

Kategoritë