Shumë njerëz vuajnë nga mungesa e vetëbesimit në punë. Madje edhe ata që duken sikur janë super të suksesshëm nuk janë imunë ndaj ndjesisë që në një moment të bëheshin dikush tjetër. Edhe pse disa arrijnë që t’i lënë pas dyshimet e tyre, tek të tjerët mund të ketë një ndikim më afatgjatë dhe që i dëmton, duke i penguar të rriten profesionalisht.

Arsyeja pse shumë njerëz mund të vuajnë nga mungesa e vetëbesimit, edhe pse nga të tjerët konsiderohen si të suksesshëm, është se njerëzit nuk janë mësuar të mendojnë për karrierën në një mënyrë praktike. Por ka dy teknika se si të përballeni me mungesën e vetëbesimit në punë, sipas psikologëve:

1. Ndryshoni këndvështrimin tuaj. Mos i shikoni dyshimet tuaja sikur janë të vërteta. Mënyra se si ne i shohim gjërat ndikojnë në mënyrën se si ndihemi. Nëse po reflektoni për një situataë ku ndoshta po i shkaktoni vetes më shumë stres, ose po mendoni se diçka nuk e keni bërë  aq mirë sa duhet, përpiquni ta shihni nga perspektiva e një vëzhguesi objektiv. Distancimi nga një situatë ose nga veprimet tona mund të ndihmojë që ta shohim atë më afër syrit real duke mos qenë kështu të ashpër me veten.

2.Folini vetes në emër, me zë të lartë ose me mendje. Tingëllon qesharake por yjet e sportit ose njerëzit që punojnë në mjedise me presion të lartë shpesh e përdorin këtë teknikë për të qetësuar nervat e tyre. Është një nga teknikat që rekomandohet gjithashtu nga neuroshkencëtari Universitetit të Miçiganit, Ethan Kross, i cili fokusohet në trajtimin e monologut të brendshëm të mendimeve që ndodhin brenda kokës sonë. Në vend që të mendoni “A jam mjaftueshëm i mirë” ose “ jam nervoz” , thoni me vete “Po, Sara, ti mund ta bësh këtë” ose “Sara, ti e di që mund t’ia dalësh” “Ji positive”.

Sigurisht të jesh tepër optimist nuk do të ndikojë për të rrëzuar barrierat e shumta, ose mund të mos ndikojë në rrugën që do të ndjekë karriera juaj, por ndryshimi i mënyrës se si i qaseni disa situatave për të parë më pozitivisht aftësitë tuaja,  mund t’ju ndihmojë të ndërtoni forcë mendore dhe të ndiheni më të sigurt në disa situata. Duke i parë gjërat nga një këndvështrim tjetër, ose duke I thënë vetes këshilla, mund të jetë një mënyrë për të rikujtuar gjërat që realisht mund të bëni, në vend të gjërave që nuk I bëni dot