Enj, Maj 19, 2022
Banner Top
Banner Top
Nga sot QKMF 11 në Prishtinë zgjatë orarin e punës për pacientët me sëmundje kronike

Në Qendrën Kryesore të Mjekësisë Familjare 11, nga sot do të ofrohet kujdes shtesë për pacientët me sëmundje kronike, ku do të punohet shtatë ditë të javës.

Komuna e Prishtinës njofton se shërbimi për pacientë do të ofrohet nga ora 07:00 deri në ora 19:00.

“Komuna e Prishtinës ju njofton se Drejtoria e Shëndetësisë ka marrë vendim që të ofrohet kujdes shtesë për pacientët me sëmundje kronike me ç’rast nga 5 ditë pune sa ishte më herët duke filluar nga sot, më datë 01.03.2022, ky shërbim do të ofrohet 7 ditë në javë nga ora 07:00-19:00 në QMF 11.

Gjithashtu, ju njoftojmë që Kryetari Rama së bashku me Drejtorin e Shëndetësisë Izet Sadiku, me rastin e ofrimit të këtij shërbimi do ta vizitojnë QKMF 11 (rr. Abdyl Frashëri, lagjja e Muhaxherëve) sot, duke filluar nga ora 13:15, për të parë nga afër kujdesin që u ofrohet qytetarëve të Prishtinës, gjegjësisht pacientëve me sëmundje kronike”, thuhet në njoftim.

Arkiva

Kategoritë