Enj, Maj 19, 2022
Banner Top
Banner Top
I konfiskohen mbi 700 gramë kokainë – arrestohet shtetasi i Shqipërisë në Vërmicë

Mbi 700 gramë kokainë i janë gjetur një shtetasi të Shqipërisë, në pikën kufitare në Vërmicë, me c’rast i njëjti është arrestuar nga Policia e Kosovës.

Këtë e bën të ditur vetë Policia e Kosovës, përmes një njoftimi.

Në njoftimin e Policisë thuhet se “Policia Kufitare e Kosovës me datën 08.03.2022, gjatë realizimit të detyrave dhe autorizimeve ligjore në funksion të menaxhimit dhe kontrollit kufitar në hyrje në Pikë kalimin kufitar në Vërmicë ka arrestuar një person të dyshuar shtetas shqiptar nën dyshimin se ka kryer veprën penale ‘Blerja, posedimi, shpërndarja dhe shitja e paautorizuar e narkotikeve, substancave psikotrope dhe analoge’”.

“Bashkëpunimi aktiv profesional i zyrtarëve të Policisë Kufitare, hetuesve të drejtorisë rajonale në Gjakovë dhe zyrtarëve të Doganës së Kosovës ka rezultuar në ndërmarrjen e masave adekuate që kanë rezultuar në një ndalim dhe kontroll efikas një automjeti dhe personit të dyshuar me ç’rast gjatë kontrollit në vijën e dytë të personit të dyshuar (në trup) në anën e majtë të barkut, saktësisht në brez nën rrip të pantallonave gjetën të futur një çorape ngjyrë e zezë, ndërsa në të ishte vendosur një qese plastike e tejdukshme e mbushur me lënde të bardhë të ngurtë që dyshohet si substancë narkotike e llojit Kokainë dhe me disa mbishkrime”, njofton Policia.

Personi i dyshuar menjëherë është arrestuar nga Policia, përderisa njësitet kompetente të antidrogës pas matjes së substancës narkotike kanë konstatuar se bëhet fjalë për substancë narkotike me peshë prej 736.20 gram.

Hetimet lidhur me rastin janë duke vazhduar nga autoritetet kompetente policore për procedura të mëtejme ligjore.

Arkiva

Kategoritë