Një grabitje ka ndodhur sot në një bankomat në një nga qendrat tregtare në Veternik, ku grabitësit, për t’iu shmangur kapjes nga policia, kanë gjuajtur në drejtim të tyre dhe kanë plagosur njërin nga zyrtarët policorë.

Mësohet se polici në fjalë është plagosur në këmbë.

Sipas asaj që shkruan Telegrafi, ngjarja ka ndodhur mëngjesin e sotëm, rreth orës 05:30.

Zëdhënësi i Policisë për rajonin e Prishtinës, Agron Borovci, u shpreh se, për t’iu shmangur kapjes nga policët, grabitësit kanë shtënë në drejtim të tyre, me c’rast një polic mbeti i plagosur.

Aktualisht, policia është në vendin e ngjarjes dhe po kryen ekzaminimet e nevojshme si dhe po ndërmerr të gjitha masat policore për një hetim të detajuar me fokus identifikimin e të dyshuarve, lokalizimin e vendndodhjes së tyre si dhe zbardhjen e plotë të rrethanave të rastit