Ministri gjerman i Shëndetësisë, Jens Spahn, ka paralajmëruar se Gjermania mund të futet në një valë tjetër infeksionesh me COVID-19, pasi shumë persona që udhëtuan më herët drejt Ballkanit dhe Turqisë pritet të kthehen këto ditë.

“Nga gjithçka që shoh, përsëri ka shumë vizita tek të afërmit nga Gjermania në Europën Lindore, Ballkanin dhe Turqinë,” tha Spahn në një intervistë për RTL.

Ai parasheh që kthimi i tyre të sjellë një valë të re infeksionesh në Gjermani, kësisoj personat e ardhur nga vendet me rrezikshmëri të lartë për përhapjen e COVID-19 do të testohen në Bavari dhe do të vetizolohen për 10 ditë.