Gjatë 24 orëve të fundit 661 persona janë konfirmuar pozitivë me koronavirus.

Instituti Kombëtar i Shëndetësisë Publike, njofton që gjashtë persona kanë ndërruar jetë si pasojë e COVID-19 në Kosovë.

‘’Rastet e vdekjes janë nga komunat: Gjakovë 3, Ferizaj 1, Gjilan 1 dhe Malishevë 1 të cilat i përkasin grup-moshës 50-59 vjeç 1 rast, 60-69 vjeç 2 raste, 70-79 vjeç 1 rast me mbi moshën 80 vjeçare janë 2 raste’’, shkruhet në njoftim të IKSHPK-së.

Ndryshe, numri i rasteve të vdekjeve nga COVID-19 në vendin tonë ka arritur në 720.